Lüksemburqun Deputatlar Palatası bir sıra halları nəzərə alaraq, Azərbaycan hakimiyyətinin deputatların və vətəndaş cəmiyyəti nümayəndələrinin söz azadlığına qarşı tətbiq etdiyi sanksiyaları pisləyən qətnamə qəbul edib.
“Armenpress”in məlumatına görə, Deputatlar Palatası həmçinin Azərbaycandan qanunsuz həbsdə olan bütün şəxslərin dərhal və qeyd-şərtsiz azad edilməsini tələb edir.
Qətnaməni tam olaraq aşağıda təqdim edirik:
Deputatlar Palatası
– Avropa Şurası Parlament Assambleyasının (AŞPA) 2024-cü il anvarın 24-də qəbul edilmiş bu səlahiyyətlərin qanuniliyi və məqsədəuyğunluğu ilə bağlı qaldırılan narahatlıqları vurğulayan 2527 saylı qətnaməni, AŞPA-nın 76 deputatının, o cümlədən Lüksemburqlu deputatlar Oktavi Moder və İv Kruxtenin persona non-qrata elan edilməsi ilə bağlı Azərbaycan Xarici İşlər Nazirliyinin 26 avqust 2024-cü il tarixində qəbul etdiyi qərarı, Lüksemburqun və Avropa Şurasının 13 üzv dövlətinin demokratik yolla seçilmiş deputatlara tətbiq edilən tədbirə qarşı birgə kəskin pisləməsi və onun ləğvi üçün açıq çağırışı, ATƏT-in müşahidə missiyasının Azərbaycanda 2024-cü il fevralın 7-də keçirilən növbədənkənar prezident seçkilərinin məhdud və kritik səs təzyiqi şəraitində, əhəmiyyətli siyasi alternativlər olmadan keçirildiyini bildirən qənaətlərini, Azərbaycan hakimiyyəti tərəfindən vətəndaş cəmiyyətinə, fəallara, siyasi müxalifətə və müstəqil mediaya qarşı təzyiqlərin gücləndirilməsi, qorxu mühiti yaradılmasını qeyd edən Avropa Parlamentinin 24 oktyabr 2024-cü il tarixli qətnaməsini, “Amnesty İnternational” və “Human Rights Watch” təşkilatlarının hazırda Azərbaycanda 300-ə yaxın insanın siyasi motivlərlə qanunsuz həbsdə olduğu hesabatları nəzərə alaraq,
– Azərbaycan, Ermənistan və Dağlıq Qarabağla bağlı əvvəllər qəbul edilmiş qətnamələri, vətəndaş cəmiyyəti və qeyri-hökumət təşkilatlarının fəaliyyət azadlığını təmin etmək məqsədilə onlarla açıq dialoqun vacibliyini xatırladır,
– Azərbaycan hakimiyyətinin deputatların və vətəndaş cəmiyyəti nümayəndələrinin söz azadlığına qarşı tətbiq etdiyi sanksiyaları, Vətəndaş cəmiyyətinə, jurnalistlərə və digər tənqidçilərə qarşı özbaşına həbslər, tələbləri pisləyir,
– qanunsuz həbs edilmiş bütün şəxslərin dərhal və qeyd-şərtsiz azad etməsini, demokratik yolla seçilmiş nümayəndələrin sərbəst hərəkətinə mane olan bütün məhdudiyyətlərin aradan qaldırılmasını, göstəriş verməsini, Deputatlar Palatasının Sədrinə parlament dialoquna və diplomatiyaya sadiqlik əlaməti olaraq bu mətnin rəsmi olaraq Azərbaycan Milli Məclisinin sədrinə ötürməsini, 28-29 noyabr 2024-cü il tarixlərində keçiriləcək sessiyada AŞPA-dakı Lüksemburq nümayəndə heyətinə fövqəladə müzakirə üçün təklif təqdim edilməsini, Lüksemburqlu deputatlar müstəqil vətəndaş cəmiyyətini və dinc toplaşmaq hüququnu dəstəkləmək üçün parlament diplomatiyasının bütün imkanlarından istifadə etməsini tələb edir,
– demokratiya, qanunun aliliyi və insan hüquqlarının qorunmasına sadiqliyi, onları Azərbaycanla ikitərəfli və çoxtərəfli münasibətlərin mərkəzinə qoymasını yenidən təsdiq edir.
