Ermənistanın İnsan Hüquqları Müdafiəçisi (Ombudsmanı) Anahit Manasyan Sloveniyanın RTV milli televiziya şirkətinin Globus proqramına müsahibə verib.
“Armenpress”in məlumatına görə, bu barədə ER İnsan Hüquqları Müdafiəçisinin ictimaiyyətlə əlaqələr şöbəsi məlumat yayıb. Müsahibə zamanı Ombudsman Azərbaycan tərəfindən Dağlıq Qarabağdan etnik ermənilərin zorla deportasiyasına, ondan əvvəlki hadisələrə, ermənilərin Dağlıq Qarabağı tərk etməyə məcbur edilməsinə, Azərbaycanda saxlanılan erməni əsirlər məsələsinə, onlara qarşı aparılan proseslərin beynəlxalq standartlar baxımından problemli mahiyyətinə, həssas qrupların hüquqlarının müdafiəsinə, bu sahədəki problemlərə, qadınların gender əsaslı hədəfə alınması hallarına, onun Ermənistanda yayılmasının səbəblərinə və sahə ilə bağlı digər məsələlərə toxunub.
