Cənubi Qafqaz müxtəlif güc mərkəzləri arasında mübarizə səhnəsinə çevrilir. Burada Qərblə Rusiya arasında mübarizə getdikcə kəskinləşir. Bu barədə “Armenpress”ə müsahibəsində Ermənistan Respublikası Milli Elmlər Akademiyasının akademiki Ruben Safrastyan deyib.
Səfrastyan qeyd edib ki, bu, Rusiyanın Cənubi Qafqazdakı mövqelərinin zəifləməsidir. Cənubi Qafqaz qlobal proseslərə cəlb olunur. Safrastyanın sözlərinə görə, bunlar əsas tendensiyalardır, lakin onlardan irəli gələn bir sıra başqa tendensiyalar da var, xüsusən də Türkiyənin bölgəmizdə fəallaşması.
Bu şəraitdə Ermənistanın hansı mövqedə olmasına dair sualı cavablandıraraq, akademik qeyd edib: “Ermənistan bu regionda Qərblə Rusiya arasında yaranan mübarizədən uzaq durmalıdır. Mən hazırda mövcud olan bütün çərinlikləri nəzərə almaqla müttəfiqlik, strateji münasibətlərimizi qoruyub saxlamağı vacib hesab edirəm. Mən xarici siyasətimizin bölgələşdirilməsini çox vacib hesab edirəm. Mən region ölkələri ilə münasibətlərimizin normallaşmasını nəzərdə tuturam.
Və sonuncu: Bu gün region qlobal proseslərdə iştirak edir. Ermənistan Pekin-London və ya Şimal-Cənub dəhlizinin bir hissəsi olmağa çalışmalıdır. Lakin bu hissəyə malik olmaqla biz ərazi suverenliyimizi və milli maraqlarımızı qorumaq və saxlamaq üçün hər şeyi etməliyik”, – Safrastyan vurgulayıb.
