Ermənistan Respublikasında fəaliyyət göstərən Avropa Brliyinin müşahidə missiyası Almaniya Daxili İşlər nazirliyinin Federal Polis İdarəsinin rəhbəri İzabel Şmit-Falkenberqi qəbul edib.
Alınan məlumata görə, bu barədə AB-nin Ermənistandakı müşahidə missiyasının X mikrobloqunda paylaşım edilib.
“Almaniya Daxili İşlər nazirliyinin Federal Polis İdarəsinin rəhbəri xanım İzabel Şmit-Falkenberqi qəbul etmək bizim üçün şərəfdir.
Ona Ermənistanda AB-nin müşahidə missiyasının tapşırıqları və mövcud vəziyyət barədə məlumat verilib. O, Cermuk ofisinə baş çəkib, Paruyr Sevak icmasında patrula qoşulub” – deyə paylaşımda qeyd edilib.
Ermənistandakı AB müşahidə missiyası, həmçinin, öz paylaşımında missiyada ən böyük iştirak payına məhz 23 üzvdən ibarət Almaniyanın sahib olduğunu xatırladıb.
