Ermənistan Müdafiə Nazirliyi Azərbaycan Müdafiə Nazirliyinin Ermənistan Silahlı Qüvvələrinin sərhədin şərq və cənub-şərq sektorlarında yerləşən Azərbaycan mövqelərini atəşə tutması barədə məlumatı təkzib edib.
Bu barədə Ermənistan Müdafiə Nazirliyi məlumat yayıb.
Azərbaycan Müdafiə Nazirliyinin martın 17-si saat 22:15-dən martın 18-i səhər saat 00:20-dək Ermənistan Silahlı Qüvvələrinin bölmələrinin sərhəd zonasının şərq və cənub-şərq sektorlarında yerləşən Azərbaycan mövqelərini atəşə tutması ilə bağlı yaydığı məlumat həqiqətə uyğun deyil.
Xatırladaq ki, Ermənistan Respublikasının Baş nazirinin Aparatı atəşkəs rejiminin pozulması hallarını və/yaxud onlar haqqında məlumatı araşdırmaq üçün Ermənistan-Azərbaycan birgə mexanizminin yaradılmasını təklif edib, Azərbaycanın indiyədək təklifə cavab verməyib.
Ermənistan Respublikasının Müdafiə Nazirliyi bir daha təsdiq edir ki, Ermənistan Respublikasının Baş naziri Aparatının mövqeyinə uyğun olaraq, Azərbaycan Müdafiə Nazirliyinin bəyanatını əsaslandıran faktların Ermənistan Respublikasına verəcəyi təqdirdə onları araşdırmağa hazırdır”, – deyə məlumatda bildirilir.
