Fransa “Le Figaro”: “Azərbaycanın Beynəlxalq Qərarlara məhəl qoymaması Qanunun üstünlüyünə təhqirdir”
Fransanın “Le Figaro” qəzeti Azərbaycanda erməni əsirllərin məhkəmə prosesi ilə bağlı tənqidi məqalə dərc etmişdir.
Məqalədə qeyd olunur ki, “erməni əsirlərin məhkəməsi və ya institusional despotizm” adlandırıla bilən bu proseslərdə Azərbaycan insan haqlarını kobud şəkildə pozur və beynəlxalq qaydaları gözdən qaçırır.
Fransa və Avropa hüquq mühitinin Azərbaycanda erməni əsirlərin məhkəmə proseslərinə beynəlxalq müşahidəçilərin cəlb edilməsini tələb etməli olduğu vurğulanır.
Məqalədə Azərbaycanda erməni əsirlərə qarşı həyata keçirilən qanunsuz məhkəmə proseslərinin insan haqlarının pozulması kimi qiymətləndirildiyi və bu pozuntuların Montpelye Hüquqşünaslar Birliyinin İnsan Haqları İnstitutu tərəfindən sənədləşdirildiyi bildirilir.
“Le Figaro” qeyd edir ki, İnsan Haqları və Əsas Azadlıqlar haqqında Avropa Konvensiyasının imzalanmasının 75 illiyindən sonra Avropa özünü kobud insan haqları pozuntuları ilə üz-üzə görür.
Bunlardan biri də Azərbaycanda erməni əsirlərə qarşı davam edən məhkəmə prosesidir.
Avropa Parlamenti 2025-ci il 13 mart tarixli qətnaməsində bu məhkəmə prosesləri “fars” kimi tənqid edilmiş və Azərbaycan rejiminin ermənilərə qarşı sistematik təzyiqlərinin nümunəsi kimi qiymətləndirilmişdir.
Azərbaycanın 2002-ci ildə Avropa Konvensiyasını imzalamasına baxmayaraq, öhdəliklərini açıq şəkildə yerinə yetirməməsi və ermənilərə qarşı ayrı-seçkiliyi, işgəncələri pisləyən Avropa Məhkəməsinin qərarlarına məhəl qoymaması tənqid olunur.
23 erməni əsirin, o cümlədən Dağlıq Qarabağın keçmiş rəhbərlərinin və əsassız ittihamlarla həbs edilmiş mülki şəxslərin məhkəməsi “institusional despotizmin zirvəsi” kimi təsvir edilir.
Əsirlərin etnik təmizləmə kontekstində əsir alınması, onlara insanlıqdan kənar və alçaldıcı davranışlar (fiziki və psixoloji işgəncələr) tətbiq edilməsi beynəlxalq mətbuatda dərc edilən çoxsaylı sübutlar və fotoşəkillərlə təsdiqlənir.
“Le Figaro” qeyd edir ki, Azərbaycanın Avropa Məhkəməsinin qərarlarına sistematik şəkildə məhəl qoymaması Avropa quruculuğuna və qanunun üstünlüyü ideyalarına təhqirdir.
Bu pozuntulara qarşı qətiyyətli tədbirlərin olmaması Avropanın “insan haqlarının qorunması” kimi əsas ideyalarını təhdid edir. Məqalədə vurğulanır:
“Avropa özünü təhlükəli presedentdən qorumalıdır: Üzv dövlətə heç bir sanksiya olmadan qanunsuz hərəkət etmək icazə verilə bilərmi?”.
Fransa və Avropa hüquq ictimaiyyəti Azərbaycanda erməni əsirlərin məhkəməsinə beynəlxalq müşahidəçilərin cəlb edilməsini tələb etməlidir.
Məqalədə deyilir: “Avropa hüquqşünasları Türkiyə, Tunis və digər ölkələrdə jurnalist və müxalifət liderlərinin məhkəmələrində iştirak edə bilirsə, Azərbaycan niyə istisna olsun? Bu, məgər hətta insan haqları fəallarını aciz qoyan “ali suverenlik’ anlayışıdırmı?”.
“Avropa bitərəf qala bilməz” ifadəsi ilə məqalə yekunlaşır: “Avropa strukturları, üzv dövlətlər və vətəndaş cəmiyyəti bu saxta ədalətə son qoymaq üçün birləşməlidir.
Avropanın insan haqlarının qoruyucusu kimi nüfuzu təhlükə altındadır. Cəzasızlığın normaya çevrilməməsi üçün hərəkət vaxtıdır!”.
Mətn factor.am-ə məxsusdur.
