Bu gün Rusiyanın təsiri kifayət qədər başa düşülən və obyektiv şəraitə görə bir qədər azalıb. İran da öz növbəsində, yenə anlaşılan səbəblərdən çəkindirici amil kimi funksionallığını zəiflədib. Düzdür, bütün bunlar müvəqqəti hadisələrdir və İran çox tez özünə gəlməyə başlayacaq. İndi elə bir vəziyyət yaranıb ki, Yaxın Şərqdə baş verən hadisələr bizim regiona birbaşa təsir edir. Bu fikirləri “Sputnik Armenia”ya müsahibəsində türkoloq, akademik Ruben Safrastyan deyib.
Akademik qeyd edib ki, Türkiyənin Cənubi Qafqazda fəaliyyəti və nüfuzu son illər kəskin şəkildə artıb, bu, görünən, danılmaz faktdır. Görünən odur ki, həmin ölkənin rəhbərliyi yaranmış vəziyyətdən “tam olaraq” istifadə etməyə çalışacaq. O vurğulayıb ki, digər tərəfdən, unutmaq olmaz ki, Türkiyə indi, ilk növbədə, Yaxın Şərqdə kifayət qədər fəaldır və bu, ilk növbədə, Suriya hadisələrinə aiddir.
“Lakin reallıqda Türkiyə real göstəricilərinə görə hələ də orta səviyyəli ölkədir, əgər belə demək mümkünsə. Və eyni zamanda böyük, qüdrətli dövlət rolunu oynamağa çalışır. Geosiyasi, sivilizasiya səviyyəli problemləri həll etməyə qadir olan bir güc növü”, – Safrastyan bildirib.
Türkoloq əmindir ki, nəticədə sadəcə qırılacaq, heç nə əldə edilməyəcək.
“Anlamaq lazımdır ki, Yaxın Şərq Türkiyə ambisiyaları üçün Cənubi Qafqazdan daha vacibdir. Və bütün göstəricilərinə görə orta səviyyəli dövlət olan Türkiyə bir anda bir neçə, hətta iki cəbhədə ciddi və tam geosiyasi oyun apara bilmir. İstənilən halda bir neçə geosiyasi cəbhəni bir anda əhatə etmək potensialına malik olan fövqəldövlət deyil”, – deyə Ruben Safrastyan yekunlaşdırıb.
