Ermənistan və İtkin düşmüş şəxslər üzrə Beynəlxalq Komissiya arasında əməkdaşlığın genişləndirilməsi perspektivləri müzakirə olunub

İyulun 17-də Ermənistan Respublikası xarici işlər nazirinin müavini Robert Abisoğomonyan Haaqada İtkin düşmüş şəxslər üzrə Beynəlxalq Komissiyanın (ICMP) baş direktoru Ketrin Bomberqer ilə görüşüb.

Xarici İşlər Nazirliyi xəbər verir ki, görüş zamanı Ermənistanla İtkin düşmüş şəxslər üzrə Beynəlxalq Komissiya arasında əməkdaşlığın genişləndirilməsi perspektivləri, xüsusilə Ermənistanda müvafiq laboratoriyaların texniki yenidən təchiz edilməsi və potensialının inkişafı ilə bağlı fikir mübadiləsi aparılıb.

Son regional hadisələrə toxunan xarici işlər nazirinin müavini Ermənistan Respublikasının regionda sülh gündəliyinin təşviqi istiqamətində səylərini təqdim edib və Ermənistan ilə Azərbaycan arasında sülh və dövlətlərarası münasibətlərin qurulması haqqında sazişin tezliklə imzalanmasının vacibliyini vurğulayıb.