Afrikanın Qvineya körfəzində yerləşən və ecazkar təbii abidələri ilə məşhur olan bu ölkə 2025-ci ildə dünyada ən aşağı həyat keyfiyyətinə sahib ölkə kimi tanınıb, bu barədə Express yazır.
Birləşmiş Millətlər Təşkilatının məlumatları və WorldPopulationReview hesabatlarına görə, Nigeriya Ukrayna, İraq və Əfqanıstan kimi müharibədən əziyyət çəkən ölkələri geridə qoyaraq birinci yerdədir.
Davam edən yoxsulluq, səhiyyə problemləri, infrastrukturların yetərsizliyi və ətraf mühitin pisləşməsi ilə mübarizə aparan Nigeriyada 57 milyon insan təmiz suya çıxış imkanı yoxdur, 130 milyondan çox sakin isə düzgün sanitar şəraitdən məhrumdur.
Eyni zamanda, ölkədə 10 milyondan çox uşaq məktəbə getmir. Həyat keyfiyyəti indeksi ümumi rifah səviyyəsini, sağlamlıq, həyat dəyəri, iqlim və digər vacib faktorlar əsasında əks etdirir.
Ölkənin indeksdə reytinqi yüksək olduqca, həyat səviyyəsi də yüksəkdir. Nigeriya cəmi 21.5 bal toplayıb ki, bu da gündəlik həyat tərzinə mənfi təsir edən dərin problemlərə işarədir.
İndekslə yanaşı iqtisadiyyatın zəifləməsi də təsir edir. Bu Afrika ölkəsi son onilliklərin ən ağır iqtisadi böhranını yaşayır, bu da geniş yayılmış çətinliklərə və narazılıqlara səbəb olur.
İldə təxminən 30 faiz inflyasiya şəraitində Nigeriya valyutasının devalvasiyası və yoxsulluğun artması ilə üzləşir.
Bangladeş isə həyat keyfiyyəti ən aşağı olan ölkələr siyahısında ikinci yerdədir. Yüksək yoxsulluq, havanın və suyun çirklənməsi və səhiyyə səviyyəsinin aşağı olması səbəbindən, Cənubi Asiyada yerləşən və geniş yaşıl sahələri ilə tanınan bu ölkə 73.9 bal toplayıb ki, bu da Nigeriyadan 52 bal çoxdur.
Üçüncü yerdə isə Venesuela qərar tutub.
Qeyd etmək maraqlıdır ki, həyat keyfiyyəti indeksində ən pis iyirmilikdə Azərbaycan da yer alıb.
