Son günlər bir sıra beynəlxalq və yerli kütləvi informasiya vasitələrində, eləcə də sosial şəbəkələrdə yayılan məlumatlarda guya Baş Nazir Nikol Paşinyanın Syunik bölgəsinin bir hissəsini Azərbaycana verməsi və Türkiyə üçün xüsusi sərhəd zona yaratması barədə yalan məlumatlar var.
Verilən məlumata görə, Ermənistan Baş nazirinin mətbuat katibi Nazeli Bağdasaryan “Facebook” səhifəsində rəsmi olaraq bəyan edib ki, göstərilən bu yayım yalan məlumatdır, heç bir faktiki və ya hüquqi əsas yoxdur və bu, Ermənistan Respublikasına qarşı aparılan hibrid müharibənin tərkib hissəsidir.
Bağdasaryan vətəndaşları, KİV-ləri və analitik platformaları belə yalan məlumatları yaymaqdan çəkinməyə, məlumatların düzgünlüyünü yoxlamağa və yalnız rəsmi bəyanatlara əsaslanmağa çağırıb.
