Rusiya Federasiyasının Volqoqrad vilayətindən yük qatarı ilə Ermənistana ilk taxıl partiyası göndərilib. Privoljski Dəmir Yolunun mətbuat xidmətindən Voljsky.ru-ya verilən məlumata görə, buğda vaqonları Volqoqrad vilayətindəki Qmelinskaya stansiyasından yola düşüb.
Məlumatı İqtisadiyyat Nazirliyinin mətbuat xidməti Factor.am-a verdiyi müsahibədə təsdiqləyib. Nazir Gevorq Papoyan hökumət iclasından sonra keçirilən brifinqdə Azərbaycan ərazisindən yeni taxıl partiyalarının idxalının gözlənildiyini bildirib.
Rusiya media orqanı bildirir ki, ilk partiya səkkiz taxıl vaqonundan ibarət olacaq. 2025-ci ilin sonuna qədər Ermənistana ümumilikdə 2000 tondan çox buğda və ya 30 taxıl vaqonu çatdırılması planlaşdırılır.
