Moskvanın Qolovinski Rayon Məhkəməsi “Dojd” (Ədliyyə nazirliyi tərəfindən xarici agent kimi tanınıb) telekanalının jurnalisti Yekaterina Kotrikadzeni qiyabi olaraq səkkiz il müddətinə azadlıqdan məhrum edib.
Bu barədə RBC-yə məhkəmənin mətbuat xidmətindən məlumat verilib.
O, Cinayət Məcəlləsinin 207.3-cü maddəsinin 2-ci hissəsinin “d” bəndi (Rusiya Silahlı Qüvvələrinin istifadəsi haqqında bilə-bilə yalan məlumatın açıq şəkildə yayılması) üzrə təqsirli bilinib.
Həmin maddə üzrə maksimum cəza on ilədək azadlıqdan məhrum etmədir; prokurorluq əvvəllər Kotrikadze üçün doqquz il həbs cəzası tələb etmişdi.
Ötən ilin oktyabrında İstintaq Komitəsi jurnalistin qiyabi həbsinə order verilməsini tələb etmişdi və həmin vaxt onun barəsində qiyabi həbs qətimkan tədbiri seçilmişdi.
Xatırladaq ki, Kotrikadze bu yaxınlarda Ermənistan parlamentinin sədri Alen Simonyandan müsahibə götürmüşdü. Müsahibə fevralın 15-də dərc olunub.
