Azərbaycana PUA ilə zərbə endirmək istəməyimiz üçün heç bir səbəb yoxdur, əgər belə bir qərar olsaydı, onlar hədəfi dəqiq vurardılar, çünki biz bəzi Amerika bazalarını və İsraili vurmuşduq. Bunu İranın Ermənistandakı səfiri Xəlil Şirqulami “Shant” telekanalına verdiyi müsahibədə İranın Naxicevan hava limanına PUA hücumuna toxunaraq bildirib. Bu hücum sonradan iki ölkə arasında münasibətlərin pisləşməsinə səbəb olub.
“Buna görə də, bu hadisə şübhəli idi və Azərbaycanın reaksiyası qeyri-mütənasib və dostcasına deyildi. Onların reaksiyaları hərbi komandanlığımızın Azərbaycan Respublikasına xəbərdarlıq etməsinə səbəb oldu ki, bu proseslərə başlamaq əvəzinə, İsrail rejiminin İran İslam Respublikasına öz ərazisindən hücum etməsinə icazə verməmək üçün diqqətli olmalıdırlar, çünki hücum olarsa, biz tərəddüd etmədən və tam qətiyyətlə cavab verəcəyik. Onların qaldırdıqları hay-küy tamamilə əsassız və mənasız idi. Düşünürəm ki, onlar özləri də bu reaksiyaların yersiz olduğunu gördülər və müəyyən dərəcədə bunu düzəldirlər.
İsrailin Azərbaycan Respublikasında təhlükəsizlik qüvvələri var. Biz bunu bilirik, amma Fars körfəzinin bütün ölkələrini bu müharibədə ABŞ və sionist rejiminin bu ölkələrin imkanlarından İrana qarşı istifadə etməməsi barədə xəbərdar etdiyimiz kimi, eyni şey qalanlarına da deyirik.
Biz Qafqaz regionunun bütün ölkələri ilə mükəmməl dostluq və qardaşlıq münasibətləri qurmağı sevirik və hazırda gərginlik üçün heç bir səbəb görmürəm”, – deyə səfir bildirib.
