Azərbaycan Ermənistan Respublikası Konstitusiyasında dəyişiklik tələb etmir, sadəcə bildirir ki, orada Dağlıq Qarabağla bağlı ifadələr olarsa, Bakı sülh müqaviləsini imzalamayacaq.
Bunu Ermənistan Respublikasının xarici işlər naziri Ararat Mirzoyan Parlamentinin Xarici Əlaqələr Komitəsinin iclasında “Hayastan” partiyasının deputatı Kristine Vardanyanın sualını cavablandırarkən bildirib.
Mirzoyanın sözlərinə görə, Azərbaycan tərəfi ilə son qapalı görüşdə Bakı Ermənistan Respublikası Konstitusiyasında dəyişiklik tələbi irəli sürməyib.
“Biz Konstitusiyamızı sizinlə müzakirə edə bilməyəcəyimizi deyəndə, çünki bu, Ermənistanın daxili məsələsidir və danışıqlar mövzusu deyil, onlar deyirlər ki, “yaxşı, bu, sizin daxili məsələnizdir, biz bu barədə danışıqlar aparmırıq, sadəcə bildiririk ki, Konstitusiyanızda bu ifadələr olduğu müddətcə biz sülh müqaviləsini nəhayət imzalamayacağıq”.
“Biz bunu nəzərə alırıq və deyirik ki, bu, təəssüf doğurur, çünki bir çox başqa problemləri də görə bilərik və bunun ən yaxşı həlli sülh müqaviləsinin mətninin imzalanması və təsdiqlənməsidir ki, bu da bütün anlaşılmazlıqlara son qoyacaq”, – deyə xarici işlər naziri əlavə edib. Ararat Mirzoyan qeyd edib ki, məhz bu məsələdə Ermənistan və Azərbaycana dair fikirlər fərqlidir və üst-üstə düşmür.
