“Bizik öz dağlarımız” inkişaf agentliyi Qarabağın erməni mənəvi və mədəni irsinə qarşı davam edən məhv etmə, vandalizm və mənimsəmə cəhdlərini dərin kədər və narahatlıqla izləyir.
Agentliyin yaydığı bəyanatda xüsusilə deyilir: “Xankəndindəki (Stepanakert) Surb (Müqəddəs) Hakop kilsəsinin məhv edilməsi faktları,
Surb Maryam Ana kafedralının sökülməsi barədə xəbərlər, habelə ziyarətgahlara, qəbiristanlıqlara və abidələrə qarşı qeydə alınmış vandalizm halları bunların ayrı-ayrı insidentlər deyil, təhlükəli və ardıcıl bir siyasət olduğunu sübut edir”.
Xüsusilə son günlər Azərbaycanın informasiya məkanında Qarabağın simvollarından biri olan “Bizik öz dağlarımı” abidəsinin məhv edilməsi və ya mahiyyətinin dəyişdirilməsinə yönəlmiş ritorikanın aktivləşməsi narahatlıq doğurur.
“Beynəlxalq mədəniyyət, hüquq müdafiə və diplomatik qurumları, ilk növbədə UNESCO və ICOMOS-u Qarabağın erməni irsinin növbəti geri dönməz itkisinin qarşısını almaq üçün təcili və səmərəli addımlar atmağa çağırırıq”.
Daha əvvəl NEWS.am xəbər vermişdi ki, abidənin tamamilə məhv edilməsi təhlükəsi barədə Qarabağın mədəni irs ombudsmanı Hovik Avanesov xəbərdarlıq edib.
O qeyd edib ki, 1967-ci ildə heykəltəraş Sarqis Baqdasaryan tərəfindən ucaldılmış bu abidə erməni kimliyinin rəmzlərindən biridir.
