Ermənistan Respublikasının Təhlükəsizlik Şurasının katibi Armen Qriqoryan ABŞ dövlət katibinin müavininin müavini Sonata Koulteri qəbul edib.
Qriqoryan görüşün təfərrüatlarını “Facebook” səhifəsində etdiyi paylaşım vasitəsilə bildirib։
“Qarşılıqlı məmnunluqla Vaşinqton razılaşmalarını vurğuladıq və onların çərçivəsində həyata keçirilən əməkdaşlığın konkret nəticələrini qeyd etdik.
Həmçinin ‘Trampın yolu – beynəlxalq sülh və rifah naminə’ (TRIPP) layihəsinin icrası çərçivəsində aparılan işlərə və onların gələcək inkişafına toxunduq.
Həmsöhbətimlə qarşılıqlı maraq doğuran digər məsələlər ətrafında da fikir mübadiləsi apardıq” – deyə Ermənistan Təhlükəsizlik Şurasının katibi yazıb։
ABŞ dövlət katibinin Avropa və Avrasiya məsələləri üzrə müavininin müavini Sonata Koulterin rəhbərlik etdiyi nümayəndə heyətini həmçinin Ərazi İdarəetmə və İnfrastruktur naziri David Xudatyan da qəbul edib.
Bu barədə nazirin “Facebook” səhifəsindən məlumat əldə edirik։
“Qonaqları salamladım və ABŞ hökuməti ilə mövcud zəngin iş gündəliyini yüksək qiymətləndirərək, ikitərəfli əməkdaşlığın davamlı inkişafının vacibliyini və birgə layihələrin həyata keçirilməsi istiqamətində hazırlığımızı vurğuladım.
Görüş zamanı TRIPP layihəsi ilə bağlı bir sıra məsələləri müzakirə etdik” – deyərək David Xudatyan yazıb։
