Azərbaycanın hakimiyyətyönlü mediası Türkiyənin Ermənistanla münasibətlərin normallaşdırılması üzrə xüsusi nümayəndəsi Sərdar Kılıça qarşı kampaniyaya başlayıb. SonuncuYerevanda keçirilən forumda iştirak edərkən Ermənistanda “özünü evindəki kimi hiss etdiyini” bəyan edib.
Onun bu bəyanatları Bakının təbliğat maşınının xoşuna gəlməyib. Azərbaycanın rəsmi mediası qeyd edir ki, onun ritorikası Türkiyə hakimiyyətinin rəsmi xəttinə ziddir və milli maraqlardan kənarlaşma kimi qəbul edilə bilər.
Hakimiyyətə yaxın Oxu.az saytı, xüsusilə yazıb ki, Kılıçın bəyanatları “Ermənistanda o qədər qəribə səslənir ki, elə bil o, Yerevanda qonaq deyil, ev sahibidir. Öz çıxışında Sərdar özü iddia edir ki, özünü evindəki kimi hiss edir”.
Azərbaycan mediası yazır:
“İki həftə əvvəl öz ölkəsinin bayrağının yandırıldığı bir ölkədə türk diplomatın hiss etdiyi rahatlıq hissini nəzərə almasaq, onun bəyanatlarına təəccüblənməmək mümkün deyil. Sərdar Kılıçın sözləri göstərir ki, o, hər şeydən üstün öz ölkəsinin deyil, ermənilərin maraqlarını tutur və bu məqsədə çatmaq üçün hər şeyi edir.
Los-Anceles və Beyrutdakı fəaliyyəti zamanı ermənilərin içində yaşadığını vurğulayan diplomat qeyd edib ki, normallaşma prosesinin lap əvvəlindən erməni həmkarı Ruben Rubinyana bir sıra təkliflər verib və bu təklifləri verərkən Türkiyənin deyil, ermənilərin maraqlarını rəhbər tutub. Bu bəyanatla o, yalnız uzun illər ermənilərin içində yaşadığını və onları yaxşı tanıdığını nəzərdə tuturdu”.
Qeyd olunur ki, “Kılıçın bəyanatları Türkiyə dövlətinin deyil, Sərdar Kılıçın şəxsi mövqeyini əks etdirir”.
Erməni Soyqırımının inkarı ilə məşğul olan media orqanı daha sonra yazır:
“Yerevanda özünü evindəki kimi hiss edən Sərdar Kılıça xatırlatmaq lazımdır ki, onun ‘evinin’ mərkəzində qondarma “Erməni Soyqırımı”na həsr olunmuş nəhəng abidə ucaldılıb və iştirak etdiyi sammitin bir çox iştirakçıları onun qarşısında baş əyiblər. Bu abidə dünya tarixində Türkiyə dövlətinə və xalqına qarşı ən böyük böhtan xarakterli təzyiqlərdən birini təcəssüm etdirir”.
Azərbaycanın müxtəlif rəsmi mənbələrində Kılıçla bağlı oxşar məzmunlu müxtəlif məqalələr dərc edilib.
Mənbə factor.am.
