Ermənistanın müdafiə naziri Suren Papikyan Respublika Günü – Mayın 28-də Yerevanın Respublika meydanında keçiriləcək hərbi paradda nələrin olacağına toxunub.
Verilən məlumata görə, Suren Papikyan “Facebook” səhifəsində mayın 28-də ictimaiyyəti nə gözləməsi sualına cavab verdiyi bir video yayımlayıb.
“İctimaiyyətə illər boyu gizlətdiyimiz, pərdələdiyimiz, bu barədə danışmadığımız, təvazökarlıqla susduğumuz şeylər təqdim ediləcək. İndi son 4 ildə nə etdiyimiz barədə ictimaiyyətə hesabat olaraq təqdim edəcəyik” – deyə Ermənistanın Müdafiə naziri bildirib.
Hərbi parad mayın 28-də Yerevanın Respublika meydanında saat 10:00-da başlayacaq.
