Ermənistanın suverenliyinə müharibə elan edən və daim Ermənistanın daxili işlərinə müdaxilə edən Rusiyalı deputatların, müxtəlif media qurumlarının nümayəndələrinin və ekspertlərin fikirlərini eşidirik. Bu barədə 2 iyunda İctimai Televiziyada keçirilən seçkiqabağı debatda “KP” partiyasından deputatlığa namizəd və Ermənistanın xarici işlər naziri Ararat Mirzoyan bildirib.
Mirzoyan qeyd edib ki, “Hər gün və hər yerdə hibrid təhdidlərlə, o cümlədən çoxlu sayda dezinformasiya və ictimai rəyin manipulyasiyası ilə qarşılaşırıq. Bunların bir hissəsi Ermənistan daxilində siyasi və ekspert icması tərəfindən, digər hissəsi isə xaricdən, o cümlədən əhəmiyyətli bir hissəsi Rusiyadan gəlir”.
Eyni zamanda, o əlavə edib ki, bütün bu məsələlər konstruktiv, işgüzar, tərəfdaşlıq mühitində həll olunmalıdır. Mirzoyan əmin edib ki, Ermənistan və Rusiya arasında normal, tərəfdaşlıq münasibətləri gözlənilir.
