Ermənistan-ABŞ arasında TRIPP üzrə saziş imzalanıb. Bu barədə ER Xarici İşlər Nazirliyi məlumat verib.
“Bir neçə dəqiqə əvvəl Ermənistan-ABŞ arasında TRIPP üzrə çərçivə sazişini gözlərinizin qarşısında imzaladım. Yadınızdadır, bir neçə gün əvvəl onu mən və ABŞ dövlət katibi Marko Rubio parafladıq.
İndi dövlət katibi Rubio sazişin altına imza atıb və sənəd Ermənistana çatdırılıb. İndi isə mən Ermənistan tərəfinin imzalarını da qoymuşam. Bununla da məsafədən imzalanma prosesi başa çatıb və saziş ratifikasiya üçün hazırdır”, – deyə ER Xİ naziri Ararat Mirzoyan bildirib.
