Avropa Birliyinin Xarici İşlər və Təhlükəsizlik Siyasəti üzrə Ali nümayəndəsi Kaya Kallas Lüksemburqda iyunun 15-də keçirilmiş AB Xarici İşlər nazirləri Şurasının iclasının nəticələrini yekunlaşdıraraq, Ermənistanda baş tutmuş parlament seçkilərinə də toxunub.
“Ermənistan: keçən həftə baş tutan seçkilər aydın mesaj göndərdi – Erməni xalqı sülhün, suverenliyin və Avropa ilə daha sıx əlaqələrin lehinə səs verdi.
Rusiyanın güclü təzyiqi və iqtisadi məcburiyyəti səsverməyə təsir etmədi. Nazirlər Ermənistanın davamlılığını və iqtisadi diversifikasiyasını bundan sonra necə gücləndirə biləcəyimizi müzakirə etdilər” –Alınan məlumata görə,bu haqda Kallas “Facebook””səhifəsində yazıb.
Xatırladaq ki, iyunun 15-də Ermənistanın Xarici işlər naziri Ararat Mirzoyan Lüksemburqda Avropa Birliyinin Xarici İşlər nazirləri Şurasının iclası çərçivəsində müzakirədə iştirak edib.
Mərkəzi Seçki Komissiyası iyunun 14-də Ermənistanda iyunun 7-də keçirilmiş parlament seçkilərinin yekun nəticələrini yekunlaşdırıb. Seçkilərin nəticələrinə görə parlamentə 3 siyasi qüvvə keçib – 64 mandatla “Vətəndaş Müqaviləsi” partiyası, 29 mandatla “Güclü Ermənistan” bloku və 12 mandatla “Ermənistan” bloku.
Rusiya Ermənistanda iyunun 7-də keçirilən parlament seçkiləri ərəfəsində çoxsaylı erməni mallarının idxalına qadağalar və məhdudiyyətlər tətbiq etmişdi ki, bunlar bu günədək davam edir.
Seçkilərin nəticələrinə görə “Mülki Müqavilə” partiyası etibarlı qələbə qazanıb, yeni parlamentdə çoxluq təşkil edəcək və təkbaşına hökumət qura biləcək.
Rusiya Prezidenti Vladimir Putin hələ də Baş nazir Nikol Paşinyanı parlament seçkilərində qələbə münasibətilə təbrik etməyib. Rusiya prezidentinin mətbuat katibi Dmitri Peskov bildirib ki, Rusiya seçkilərin yekun nəticələrinin yekunlaşdırılmasını gözləyir.
