Rusiyanın bir sıra bölgələrində yanacaq problemləri hiss olunur: BBC

BBC-nin məlumatına görə, yanacaq satışına qoyulan məhdudiyyətlər artıq Rusiyanın ən azı 33 bölgəsinə təsir edib. Problemlər Moskva, Sankt-Peterburq və əsasən Krasnodar diyarında kənd təsərrüfatı bölgələrində də başlayıb. Hətta “Tatneft” və “Lukoil” kimi böyük şirkətlər də məhdudiyyətlər tətbiq ediblər.

Ödənişlər yalnız nağd şəkildə edilir və maksimum 20 litr benzin və 40 litr dizel yanacağına icazə verilir.

İyunun 16-da “İnterfaks” Rusiyanın bütün “Tatneft” yanacaqdoldurma məntəqələrində məhdudiyyətlərin tətbiq olunduğunu bildirib. Lakin bəzi bölgələrdə, xüsusən də Udmurtiya və Çelyabinsk vilayətində məhdudiyyətlər bir qədər fərqlidir: hər minik avtomobili üçün 30 litr benzin və 60 litr dizel yanacağı.

Problemlər tədricən Sibir və Uzaq Şərqdə, xüsusən də Xabarovsk diyarında özünü hiss etdirir.

BBC-nin məlumatına görə, vəziyyət vətəndaşlar arasında narazılıq dalğasına səbəb olmağa başlayıb.