Bu gün Avropa Komissiyası Rusiyanın ticarət məhdudiyyətlərinin özəl sektora təsirini azaltmaq üçün Ermənistana 34 milyon avro ayırıb. Prezident fon der Leyenin Baş nazir Paşinyanla telefon danışığından cəmi iki həftə sonra AB artıq Ermənistanı və onun xalqını dəstəkləmək öhdəliklərini yerinə yetirir, AB-nin Ermənistandakı nümayəndəliyi bildirib.
Bu maliyyə yardımı Prezident fon der Leyenin elan etdiyi və Ermənistanın iqtisadi dayanıqlığını gücləndirmək üçün ticarətin asanlaşdırılması və həmrəylik tədbirlərini əhatə edən hərtərəfli dəstək paketinin ilk tranşıdır.
Keçən ay keçirilən AB-Ermənistan Zirvə görüşündə əldə edilən razılaşmalara əsaslanaraq, AB və Ermənistan biznes əlaqələrini dərinləşdirmək və erməni istehsalçıları üçün bazara çıxışı genişləndirmək üçün sıx əməkdaşlıq etməyə davam edəcəklər. Ticarət məhdudiyyətlərindən təsirlənən sektorlar, o cümlədən kənd təsərrüfatı-ərzaq, gülçülük və digər ixrac yönümlü sektorlar, ticarətin təşviqi təşəbbüsləri, biznes quruculuğu fəaliyyətləri və bazara çıxışı artırmaq üçün hədəflənmiş proqramlar vasitəsilə əlavə dəstək alacaqlar.
Aİ-Ermənistan İqtisadi Davamlılıq üzrə İşçi Qrupu bu tədbirlərin həyata keçirilməsinə rəhbərlik etmək və onları izləmək üçün müntəzəm olaraq görüşlər keçirir.
Aİ-nin Genişlənmə üzrə Komissarı Marta Kos dedi:
“Avropa İttifaqı suveren, demokratik və müstəqil bir ölkə kimi Ermənistanın yanında möhkəm dayanır. Biz təkcə maliyyə dəstəyi vermirik, həm də Ermənistana qonşuları və Avropa ilə ticarəti asanlaşdırmağa kömək edirik. Bu, ən yaxın tərəfdaşlarımızdan birinə qarşı Avropa həmrəyliyinin praktik nümayişidir”.
Kosmissar Kos Ermənistanla əməkdaşlıq çərçivəsində gələcək praktik addımları müzakirə etmək və onlara təkan vermək üçün 5 iyulda Ermənistana səfər edəcək.
