Ədliyyə naziri Srbuhi Qalyan Ermənistan Respublikasındakı Avropa İttifaqı Nümayəndəliyinin rəhbəri səfir Vasilis Maragosu qəbul edib. Bu barədə Ədliyyə Nazirliyi məlumat verib.
Tərəflər Ermənistan-Avropa İttifaqı Viza Liberallaşdırılması Fəaliyyət Planının icrasının gedişatını, məhkəmə və konstitusiya islahatları prosesini müzakirə ediblər.
Srbuhi Qalyan həmçinin bir sıra sektoral məsələlərə, xüsusən də cəzadan vaxtından əvvəl şərti azadlığa buraxılma, cəzaçəkmə müəssisələrində məhkumların və saxlanılanların say nisbətinə toxunub.
Tərəflər həmçinin Ermənistan-Avropa İttifaqı İnsan Hüquqları Dialoqunun və Yerevanda keçiriləcək Ədalət, Azadlıq və Təhlükəsizlik Alt Komitəsinin qarşıdan gələn iclaslarını müzakirə ediblər.
Tərəflər maraq doğuran digər məsələlər barədə fikir mübadiləsi aparıblar.
