Yerevanda 5-ci dəfə “Pivə Günləri” festivalı keçiriləcək
Pivəsevərlər yenidən bir araya gələcəklər; İrəvanda artıq 5-ci dəfə təşkil olunan “Pivə Günləri 2026” festivalı start götürür.
Mətbuat zalında keçirilən mətbuat konfransında festivalın təşkilatçısı olan “EventToura” şirkətinin həmtəsisçisi Nune Manukyan bildirdi ki, festival iyulun 17-si saat 16:00-da İrəvanın Zakyan küçəsində başlayacaq.
Tədbir 3 gün — iyulun 17, 18 və 19-da keçiriləcək.
“Bu, sadəcə bir əyləncə festivalı deyil, onun məqsədi həm turizm aktivliyini stimullaşdırmaq, həm Ermənistanın pivəbişirmə ənənələrini önə çıxarmaq, həm də pivə istehsal edən şirkətlər üçün tanıtım platforması yaratmaqdır” — deyə Nune Manukyan qeyd etdi.
Festival ərazisi bir neçə zonaya bölünəcək:
Pivə zonası
Oyun zonası
Qida zonası
Musiqi zonası
Tədbir çərçivəsində müsabiqələr və tirajlar keçiriləcək. 200-dən çox dəyərli hədiyyənin oynanılması nəzərdə tutulur. Bütün günlər boyu tədbirlər konsert proqramı ilə müşayiət olunacaq.
“Ziyarətçilər nəinki xoş vaxt keçirmək, həm də çoxsaylı pivə çeşidlərindən həzz almaq imkanı əldə edəcəklər.
Əgər başlanğıcda çox az sayda yerli istehsalçı iştirak edirdisə, bu gün artıq mənzərə fərqlidir.
12-dən çox yerli pivə istehsalçısı iştirak edir və bir-birindən maraqlı çeşidlər təqdim edirlər.
Bir nümunə çəkəcəm: albalı pivəsi təklif olunacaq, qalanını isə ziyarətçilərin öhdəsinə buraxıram ki, gəlib yerində kəşf etsinlər” — deyə Nune Manukyan bildirdi.
Yerevan Meri bu il festivalın keçirilməsinə dəstək verir. Merin Mədəniyyət və Turizm İdarəsinin rəis müavini Hayk Mkrtçyan qeyd etdi ki, mer Yerevanln beynəlxalq turizm xəritəsində tanınmasını artırmaq istiqamətində irimiqyaslı işlər görür.
Bu məqsədlə müxtəlif istiqamətlərdə — mədəni, idman və turizm sahələrində çoxsaylı tədbirlər həyata keçirilir.
“Pivə Günləri” həm yerli sakinlər, həm də turistlər tərəfindən səbirsizliklə gözlənilən vacib festivallardan biridir. Bu, bizim pivəçilərimiz üçün yaxşı bir fürsətdir.
Aydındır ki, bu növ tədbirlər İrəvanın tanınmasının artırılmasında böyük rol oynayır.
Onlar həmçinin iqtisadi əhəmiyyət kəsb edir, çünki həmin ziyarətçilər, turistlər festival çərçivəsində pul xərcləyirlər, yaxınlıqdakı restoran və kafelərə baş çəkirlər.
Ermənistana konkret hər hansı bir festivalda iştirak etmək məqsədilə gələn ziyarətçilər olduğundan, təbii ki, otellər də bundan qazanclı çıxır”— deyə Hayk Mkrtçyan bildirdi.
Festivala giriş sərbəstdir. Pivə dequstasiyalarında, “Craft Beer Quest” oyununda və baş tirajda iştirak etmək üçün pivə dequstasiya paketi əldə etmək lazımdır.
