ER Baş naziri Nikol Paşinyanın başçılığı ilə Təhlükəsizlik Şurasının iclası keçirilib. İclasda TŞ üzləri ilə yanaşı ER Parlamentinin sədri Alen Simonyan, Baş nazir aparatının rəhbəri Arayik Harutyunyan və “Mülki müqavilə” fraksiyasının sədri Hayk Koncoryan iştirak edib. Nikol Paşinyan xüsusilə qeyd edib:
“Dünəndən bəri bu heyətlə müxtəlif formatlarla bir neçə görüşümüz, müzakirələrimiz olub. Müzakirələrin mövzusu Ermənistan-Azərbaycan sərhədinin şərq hissələrindən birində Azərbaycan qoşunlarının Ermənistan Respublikası ərazisinə daxil olması faktı olub. Bugünkü görüşün məqsədi həm müzakirələrimizi yekunlaşdırmaq, həm də baş verənlər barədə ictimaiyyətimizə ətraflı məlumat verməkdir.
Bundan əvvəl vurğulamaq istərdim ki, mən Arşak Karapetyanın Ermənistan Respublikasının müdafiə naziri vəzifəsindən azad edilməsi, həmin vəzifəyə hazırda respublika baş nazirinin müavini olan Suren Papikyanın təyin edilməsi barədə qərar qəbul etmişəm.
Bu qərar dünəndən baş verən hadisələrin təhlili nəticəsində qəbul edilib. Mən səhər cənab Karapetyanı Ermənistanın müdafiə naziri kimi fəaliyyətinə görə təşəkkür etmək üçün dəvət etdim, dedim ki, görülən işləri yüksək qiymətləndirirəm, lakin hazırda vəziyyət məni belə bir qərara gətirib ki, müdafiə nazirinin dəyişikliyi olmalıdır.
Bu gün biz əvvəlcə Baş Qərargah rəisi cənab Davtyanın hazırkı vəziyyət, ümumilikdə operativ vəziyyətlə bağlı məruzəsini dinləyəcəyik, vəziyyəti təhlil edəcəyik, silahlı qüvvələrin müdafiəsi, Ermənistan Respublikasının təhlükəsizliyi, ərazi bütövlüyü və suverenliyi ilə bağlı hərəkətlərimiz barədə qərar qəbul etməyə çalışacağıq”.
