Bayden təkrarən Soyqırımı ifadəsini işlətdi: “Biz ermənilərin dərdinə bələdik və onların tarixinə hörmətlə yanaşırıq”
Aprelin 24-də ABŞ Prezidenti Co Bayden Erməni Soyqırımının 107-ci ildönümü münasibətilə mesaj verərək, ABŞ-ın nifrətin dağıdıcı təsirlərinə qarşı ayıq olmaq və daha dinc dünya qurmaq öhdəliyini bir daha təsdiqləyib.
“1915-ci il aprelin 24-də Osman hökmranlığı Konstantinopolda erməni ziyalılarını və icma liderlərini həbs etdi. Beləliklə, 20-ci əsrin ən dəhşətli qətliamlarından biri olan Erməni Soyqırımı başladı. Bu gün biz bir milyon yarım ermənini öz yurd-yuvasından didərgin salınmış, qətlə yetirilənləri yad edirik və ya qırğın kampaniyası zamanı ölümlərinə qədər yürüş etmiş, çox sayda insanın faciəli itkisi naminə yas tuturuq.
Erməni Soyqırımından danışarkən biz nifrətin bütün təzahürlərindəki dağıdıcı təsirlərinə qarşı ayıq-sayıq olacağımıza söz verdiyimizi bir daha təsdiqləyirik.
Dünyada əbədi izlər buraxan qırğınları dayandırmaq üçün bir daha danışmağa borcluyuq. Eyni zamanda, Böyük Soyqırım zamanı itirdiyimiz hər şey üçün yas tutaraq, övladlarımız üçün istədiyimiz daha yaxşı, daha dinc dünyanı sağaltmaq və qurmaq üçün səylərimizi ikiqat artırmalıyıq.
İnsan hüquqlarına hörmət edilən, fanatizm və dözümsüzlüyün gündəlik həyatımızın pislikləri ilə seçilmədiyi, insanların hər yerdə azad şəkildə öz həyatlarını ləyaqətlə və təhlükəsiz şəkildə yaşadıqları bir dünya naminə ikiqat artırmalıyıq.
Erməni xalqının gücü və dözümlülüyündən danışmaq vaxtıdır. Erməni xalqı soyqırıma dözdükdən sonra öz icmasını və mədəniyyətini çox vaxt öz yeni evində və ölkəsində, o cümlədən ABŞ-da qurmaq əzmində idi.
Amerikadakı ermənilər ABŞ-ın həyati bir hissəsidir. Onlar ölkəmizi daha güclü və daha dinamik edir, hətta əcdadlarının yaşadıqları faciəli xatirəni də özləri ilə aparmağa davam edirlər. Biz onların ağrılarını tanıyırıq və tarixinə hörmət edirik.
Bu gün, 107 il sonra, ABŞ xalqı soyqırımı zamanı həlak olan bütün erməniləri hörmət və ehtiramla yad etməyə davam edir”.
