KTMT-yə üzv dövlətlərin rəhbərləri Moskvada keçirilən yubiley sammitində hərbi əməkdaşlığın dərinləşdirilməsi, ənənəvi və yeni çağırış və təhdidlərlə effektiv mübarizə ilə bağlı məsələləri müzakirə ediblər.
6 dövlətin başçısı və KTMT katibi əvvəlcə çıxış ediblər, 2 sənəd imzalayıb, qapalı formatda əsas məsələləri müzakirə ediblər. KTMT-də Ermənistan gündəlikdəki məsələlərlə bağlı narazılığını bildirib
Əgər Qazaxıstan bu ilin yanvarında ölkəsində baş verən iğtişaşların qarşısının alınmasına görə təşkilata təşəkkür edirsə və Belarus Rusiyanı maraqlandıran sahələrdə, o cümlədən beynəlxalq miqyasda birgə iş tələb edirsə, Ermənistan 2020-ci ildə 44 günlük müharibəni və ondan irəli gələn sərhəd toqquşmalarını xatırladır. Paşinyanın sözlərinə görə, təşkilat Ermənistan Respublikasının gözlədiyi kimi cavab verməyib.
Qeyd olunan bəzi məsələlərə baxmayaraq, Ermənistan KTMT-nin yaradılması və möhkəmlənməsinə dəstəyi davam etdirməyə hazır olduğunu bildirib. Yeri gəlmişkən, məhz Ermənistanın sədrliyi dövründə KTMT ilin əvvəlində Qazaxıstan prezidentinin müraciətinə operativ reaksiya verdi.
Ermənistan 2022-ci ildə KTMT-yə sədrlik edəcək, növbəti sədrlik Belarusa keçəcək. Artıq həmin ölkənin rəhbəri həyata keçiriləcək planları haqqında düşünür.
KTMT liderləri NATO ilə əməkdaşlığa hazır olduqlarını bir daha təsdiqləyiblər. KTMT-yə üzv ölkələrin liderləri qitədə gərginliyin azadılmasına əhəmiyyət verir, NATO ilə əməkdaşlığa hazır olduqlarını bir daha təsdiqləyirlər.
“Avrasiya bölgəsində davamlı sülhün təmin edilməsində məsuliyyətimizi dərk edərək, qitədə gərginliyin azaldılmasının vacibliyini vurğulayır və Şimali Atlantika Alyansı ilə praktiki əməkdaşlıq qurmağa hazır olduğumuzu bir daha təsdiq edirik”,- deyə sənəddə qeyd olunub.
