Yerevanın “Moskva Evi” mərkəzində Rusiyanın İxrac Mərkəzinin (AO “РЭЦ”) təşkil etdiyi Rusiya şirkətlərinin çoxsahəli biznes missiyasına start verilib. Görüş-müzakirələr avqustun 24-26-dakeçiriləcək.
Alınan məlumata görə, tədbir əməkdaşlıqda və Rusiya məhsul və xidmətlərinin Ermənistana çatdırılmasında maraqlı olan rus istehsalçıları ilə erməni şirkətləri arasında platforma olacaq.
ER İqtisadiyyat naziri Vahan Kerobyan belə işgüzar missiyaların həyata keçirilməsinin vacibliyini vurğuladı, çünki bu, iki ölkə arasında bir sıra sahələrdə kommersiya və investisiya əməkdaşlığının miqyasını daha da aktivləşdirməyə kömək edəcək.
“Hər iki ölkədən əməkdaşlığa maraq göstərən çoxlu iş adamları var və biz hesab edirik ki, belə işgüzar konfranslar nəticəsində münbit zəmin formalaşır ki, onun üzərində artıq ticari-iqtisadi əlaqələr, investisiyalar və s. qurulur.
Bildiyiniz kimi , Ermənistan bu ilin birinci yarısında yaxşı iqtisadi nəticələr əldə edib və biz son 15 ildə ən yüksək iqtisadi artıma malikik.
İlin birinci yarısında ÜDM-in artımı 11,1 faiz təşkil edib ki, bu da kifayət qədər yüksək və perspektivli göstəricidir”-deyə nazir qeyd edib.
O vurğulayıb ki, bu, mövcud nəticələrlə kifayətlənməli olduğumuz anlamına gəlmir, Ermənistanın qarşısında duran vəzifələr və problemlər çox böyükdür və iqtisadi artım istiqamətində öhdəlikləri və investisiyaları daha da gücləndirmək lazımdır və bu kimi konfranslar yalnız öz töhfəsini verir.
“Hazırda Rusiya bazarı erməni istehsalçıları üçün geniş imkanlar təklif edir və erməni şirkətləri Rusiya bazarında azad edilmiş biznes sahələrini kifayət qədər uğurla zəbt etməyə başlayır” – deyərək Kerobyan yekunlaşdırıb.
