Ermənistan Azərbaycan tərəfindən Laçın dəhlizində Artsaxa gedən yeganə yolda nəzarət-buraxılış məntəqəsinin quraşdırılması ilə bağlı ikinci dəfə Beynəlxalq Məhkəməyə müraciət edib. Bu barədə Ermənistanın İctimai Televiziyasına müsahibəsində ER-nin beynəlxalq hüquqi məsələlər üzrə nümayəndəsi Yeğişe Kirakosyan bildirib.
“Ermənistan tələb edir ki, keçid məntəqəsi ilə bağlı məsələ qərara daxil edilsin, çünki fevraldan sonra vəziyyət dəyişib və keçid məntəqəsi ilə bağlı yeni tədbirə ehtiyac var. Azərbaycana erməni tərəfinin petisiyasına cavab vermək üçün mayın sonuna qədər vaxt verilib, bundan sonra məhkəmə qərar verməlidir”, – Kirakosyan bildirib.
Ermənistanın beynəlxalq hüquqi məsələlər üzrə nümayəndəsinin ofisi də məsələ qaldırıb ki, Bakı nəinki BMT məhkəməsinin müvəqqəti qərarlarına tabe deyil, həm də Avropa İnsan Haqları Məhkəməsinin hökmlərinə məhəl qoymur.
Fevral ayında Beynəlxalq Ədalət Məhkəməsi İrqi ayrı-seçkiliyin bütün formalarının ləğvi haqqında Beynəlxalq Konvensiyaya uyğun olaraq Azərbaycana qarşı müvəqqəti tədbirlərin tətbiq edilməsi barədə qərar qəbul edib. Məhkəmə bu qərarla Azərbaycanı Laçın dəhlizi ilə hər iki istiqamətdə vətəndaşların, nəqliyyat vasitələrinin və yüklərin fasiləsiz hərəkətini təmin etmək üçün bütün lazımi tədbirləri görməyə məcbur edib.
