ER Ombudsmanı Anahit Manasyan Vyanaya səfəri çərçivəsində iyunun 20-də ATƏT-in mətbuat azadlığı məsələləri üzrə nümayəndəsi Tereza Ribeyro ilə görüşüb.
Ombudsman görüş çərçivəsində Azərbaycan dövləti tərəfindən maliyyələşdirilən və cəmiyyətin bütün səviyyələrində özünü göstərən anti-erməni siyasətinə xüsusi olaraq toxunub.
“Ombudsman ofisi gündəlik olaraq Azərbaycan mediasında və sosial platformalarında monitorinq aparır. Cəmiyyətin bütün səviyyələrində, o cümlədən Azərbaycanın yüksək rütbəli məmurları sıralarında ermənilərə qarşı nifrət dolu sözlər səslənir”, – Ombudsman qeyd edib.
