“44 günlük müharibəyə qədər ordunun modernləşdirilməsi mövzusu diqqət mərkəzində idi”.
Bunu Ermənistanın Baş naziri Nikol Paşinyan 44 günlük müharibənin araşdırılması üzrə komissiyanın iclasında deyib.
Baş nazir 2018-2020-ci illərdə Ermənistan hökumətinin silah və hərbi texnika əldə etmək üçün təxminən 608 milyard dram xərclədiyini açıqlayıb:
“44 günlük müharibə başlayana qədər, yəni 2 il 4 ayda Ermənistan hökuməti silah və hərbi texnika əldə etmək üçün təxminən 608 milyard dram ( 1 dram = 0.0026 dollar ) xərcləyib.
Müqayisə üçün qeyd edək ki, 2008-ci il yanvarın 1-dən 2018-ci ilin mayına qədər, yəni 10 il 4 ay ərzində Ermənistanın əvvəlki hökumətləri bu məqsədlə 354 milyard dram xərcləyib. Başqa sözlə, 2 ildə biz 10 ildə əldə etdiyimiz nailiyyətlərdən, demək olar ki, iki dəfə çox nail olmuşuq”.
