Avropa Şurası Miqrasiya və Qaçqınlar üzrə xüsusi nümayəndə Leyla Kayajiçin 11-13 oktyabr 2023-cü il tarixlərində baş tutan səfərindən sonra Ermənistana qaçqın axınına hərtərəfli cavab paketi hazırlayır.
Paket Ermənistana son həftələrdə 100 mindən çox Qarabağ ermənisinin, o cümlədən 30 minə yaxın uşağın yerləşdirilməsi ilə bağlı problemlərin həllində dəstək verməkdən ibarətdir.
Kayajik Ermənistana səfəri zamanı müvafiq dövlət qurumları, beynəlxalq tərəfdaşlar və qeyri-hökumət təşkilatları ilə əməkdaşlıq edib.
O, həmçinin Artaşat bələdiyyəsinin təmin etdiyi iki sığınacaqda olub. Rəsmi Avropa Şurasının Ermənistan üzrə Fəaliyyət planına (2023-2026) və Miqrasiya və Sığınacaq kontekstində həssasş şəxslərin müdafiəsi üzrə Fəaliyyət planına (2021-25) daxil olan konkret dəstək sahələrini qeyd edib.
Bütün bunlara, xüsusilə həssaslığın qiymətləndirilməsi, xidmətlərə çıxış imkanları və qaçqınların məlumatlılığının artırılması üzrə Daxili işlər nazirliyinin Miqrasiya və vətəndaşlıq xidmətinə və İnsan hüquqları müdafiəçisi idarəsinə birbaşa dəstək vasitəsilə həssas vəziyyətdə olan qaçqınların insan hüquqlarının müdafiəsinin gücləndirilməsi, sağlamlıq və psixi qayğıya çıxışın asanlaşdırılması, o cümlədən psixoloji dəstək, həssas insanlarla işləyən mütəxəssislərin bacarıqlarının gücləndirilməsi, təhsilə cəlb edilməsi və peşəkar kurikulumlara yenidən baxılması, uşaqların hüquqlarının qorunması, yerli hakimiyyət orqanlarının çevikliyinin artırılması daxildir.
AŞ-nin baş katibi Mariya Peyçinoviç Buriç deyib: “Bu məqsədyönlü paket vasitəsilə biz üzv dövlətimiz Ermənistanı və onun xalqını bu misli görünməmiş çətinliklər və çağırışlarla üzləşdiyi zaman dəstəkləyəcəyik.
Mətn factor.am-ə məxsusdur.
