ER xarici işlər naziri Ararat Mirzoyan dekabrın 21-də Kollektiv Təhlükəsizlik Müqaviləsi Təşkilatının baş katibi İmanqali Tasmaqambetovu qəbul edib.
Ermənistan Xarici İşlər Nazirliyindən verilən məlumata görə, həmsöhbətlər KTMT-nin fəaliyyəti ilə bağlı məsələləri müzakirə ediblər. KTMT-nin baş katibi ER XİN başçısına KTMT Kollektiv Təhlükəsizlik Şurasının 2023-cü ilin noyabrında Minskdə keçirilmiş sessiyası və KTMT Xarici İşlər Nazirləri Şurasının, Müdafiə Nazirləri Şurasının və Təhlükəsizlik Şurasının Katibləri Komitəsi birgə iclasın nəticələri haqqında məlumat verib.
Görüş zamanı Ararat Mirzoyan və İmanqali Tasmaqambetov regiondakı vəziyyət, nəqliyyat və iqtisadi qarşılıqlı əməkdaşlığın inkişafına yönəlmiş layihələr, o cümlədən ER hökuməti tərəfindən hazırlanmış “Sülh kəsişməsi” konsepsiyası barədə fikir mübadiləsi aparıblar.
