Azərbaycan prezidenti İlham Əliyevin Ermənistana qarşı ərazi ambisiyalarını ehtiva edən bəyanatları Ermənistan-Azərbaycan danışıqlar prosesinə müəyyən təsir göstərəcək.
“Armenpress”in məlumatına görə, bunu Media Mərkəzində keçirilən mətbuat konfransında regional məsələlər üzrə ekspert Armen Petrosyan bildirib.
“İndiki mərhələdə Ermənistan Azərbaycanın davranışını mümkün qədər idarəolunan saxlamalıdır və Azərbaycan da öz növbəsində onun üçün yaranan problemlər, xüsusən də beynəlxalq ictimaiyyətlə təmaslar zamanı manevr imkanlarına malik olmağa çalışacaq”, – analitik bildirib.
Petrosyanın fikrincə, tamamilə aydındır ki, Azərbaycan prezidentinin son müsahibəsində vurğu və əsas diqqət Azərbaycanda planlaşdırılan milli seçki prosesidir. Buna görə, Əliyev çıxışının ideoloji əsasını son onilliklərdə mövcud rejimin qeydə aldığı və Dağlıq Qarabağ problemi, Ermənistanla münaqişə ilə şərtləndirən müddəalar təşkil edir.
“Azərbaycan prezidenti idarəetmənin əvvəlki mərhələsini yekunlaşdırmaq və yeni dövrə başlamaq istəyir, baxmayaraq ki, o, bununla bağlı planlardan danışmır”- deyə Petrosyan qeyd edib.
O, onilliklər ərzində azərbaycanlılara aşılanan erməni nifrət ideologiyasının yaxın gələcəkdə Azərbaycan tərəfindən obyektivləşdirilməsinin yeni təzahürlərini istisna etməyib.
Onun sözlərincə, “Zangezur dəhlizi” deyilən məsələ Azərbaycanın gündəmindən kənarda qalıb.
Petrosyan düşünmür ki, indiki mərhələdə sülh müqaviləsinin məzmunu ilə bağlı qarşılıqlı razılaşma istiqamətində ciddi faktlar qeydə alına bilər, çünki Azərbaycan indiki mərhələdə sadəcə olaraq müqavilə imzalamaq istəmir. Əsas səbəb qlobal geosiyasi vəziyyətdir ki, bu da Azərbaycana davamlı olaraq Ermənistana tələblərini irəli sürməyə, hətta bəzi ilkin razılaşmalardan imtina etməyə imkan verir.
Təhlükəsizlik Siyasətinin Araşdırma Mərkəzinin prezidenti Areg Koçinyan da öz növbəsində qeyd edib ki, Azərbaycan prezidentinin açıq-aşkar ərazi ambisiyalarını özündə əks etdirən bəyanatları daha çox narahatlıq doğursa da, Ermənistan-Azərbaycan danışıqlarının birmənalı dalana girdiyini düşünmək üçün əsas deyil.
“Mən “Zangezur dəhlizi” deyilən məsələdə müəyyən irəliləyiş görürəm. Əgər əvvəllər Əliyev Ermənistanı dəhlizi zorla alacağı ilə hədələyirdisə, indi ancaq bəyan edir ki, əks halda Azərbaycan Ermənistana dövlət sərhədini açmayacaq. Bu, irəliləyişdir, lakin kifayət qədər əsas deyil”, – deyən o qyed edərək əlavə edib ki, Əliyev Azərbaycanda prezident seçkiləri kampaniyası çərçivəsində seçicilərin səsini qazanmaq üçün bir çox oxşar bəyanatlar verəcək.
