Rusiyada Azərbaycan vətəndaşının rəhbərlik etdiyi dəstə yoldan keçənləri döyərək internetdə videolar yayımlayırdı
Belqorodda yeniyetmələrdən ibarət dəstə peyda olub, onların üzvləri video yaymaq naminə yoldan keçənlərə hücum edib, onları döyərək alçaldıblar. Qrupun rəhbəri Azərbaycan vətəndaşıdır. O, həbs edilib. Bu barədə Gazeta.ru-ya istinadən məlumatlandırılıb.
İstintaqın məlumatına görə, onlar milli ədavət zəminində hərəkət ediblər. Videoların birində ruslar təhqir olunur.
Böyük bir qrup yeniyetmə küçədə təsadüfi gənclərə və oğlanlara vəhşicəsinə hücum edərək, yerdə yatanlar da daxil olmaqla, onları təpiklədilər. Bu fəaliyyətlərin videosu daha sonra musiqiyi sədalarıyla Telegram-da yerləşdirilib.
Rusiya Federasiyasının İstintaq Komitəsinin məlumatına görə, Belqorod sakinlərini milli torpaqda nifrət toxumu səpdiyinə görə döyən gəncə qarşı cinayət işi açılıb.
“Azərbaycanlı olan 17 yaşlı yerli sakinin şəxsiyyəti müəyyənləşib. O, bu qanunsuz hərəkətlərin iştirakçısı olub” – deyə İstintaq Komitəsi Telegram-da bildirib.
Hazırda digər şübhəlilər axtarılır. Federal Təhlükəsizlik Xidmətinin regional idarəsi istintaqa kömək edir.
İlk vaxtlar xuliqanlıqla bağlı yazıda yeniyetmələr daha yumşaq şəkildə ittiham olunurdu. Yanvarın 16-da, günortadan sonra Rusiya Federasiyası Daxili işlər nazirliyinin rəsmi nümayəndəsi İrina Volk Telegram-da yazıb ki, onlara qarşı Cinayət Məcəlləsinin 213-cü maddəsinin 2-ci hissəsi (bir qrup şəxs tərəfindən xuliqanlıq) ilə iş açılıb.
“24 saat keçməmiş Belqorod polis həmkarları işdə iştirak edən şəxslərin kimliyini öyrəniblər və hazırda onların tutulması üçün tədbirlər görürlər. Onlardan üçünün əvvəllər məhkum olunduğu məlumdur… Zərərçəkmişlərdən biri dindirilir”- deyə Volk izah edib və bütün zərərçəkmişlərdən və şahidlərdən tez bir zamanda polisə müraciət etməyi xahiş edib.
Nəşrin yazdığına görə, həbsdən sonra dəstənin rəhbəri buraxdığı səhvə görə “bütün rus xalqı qarşısında” üzr istəyib.
