Hüquq müdafiəçisi, Seçkilərin monitorinqi və demokratiyanın tədrisi mərkəzinin (SMDT) rəhbəri Anar Məmmədli Azərbaycanda saxlanılıb.
Qeyd edək ki, Məmmədli sonuncu dəfə 2013-cü ilin Oktyabrında keçirilən prezident seçkilərini açıq şəkildə tənqid etdikdən sonra 2013-cü il Dekabrın 16-da iqtisadi cinayətlər törətməkdə təqsirləndirilərək saxlanılıb və həbs edilib. Beynəlxalq etirazlara baxmayaraq, o, 2014-cü ilin Mayında 5 il 6 ay müddətinə azadlıqdan məhrum edilib.
2014-cü ilin Sentyabrın 29-da Məmmədli hələ də həbsdə olanda insan hüquqları sahəsində “görkəmli” fəaliyyətinə görə Avropa Şurası Parlament Assambleyası tərəfindən Vatslav Havel insan hüquqları mükafatına layiq görülüb. 2016-cı ildə Martın 17-də təxminən 2,5 il həbsdən sonra Məmmədli əfv olunub.
Görünür, Azərbaycanda hər Əliyev seçkisindən sonra Məmmədlini həbs etmək ənənəsi var.
