Ermənistanla Azərbaycan arasında sərhədin demarkasiyası prosesi davam edir və Ermənistan hökuməti tərəflərin bu məsələdə qətiyyətli olacağına ümid edir.
Alınan məlumata görə, bu haqda ER Baş naziri Nikol Paşinyan Kopenhagen Demokratiya Sammiti çərçivəsində keçirilən məlum müzakirə ərzində qeyd edib.
“Ermənistan demokratiyasının müdafiəsi” mövzusunda müzakirə zamanı o, Ermənistanı əhatə edən mürəkkəb təhlükəsizlik vəziyyətinə və bu məsələyə Ermənistanın strateji baxışına toxunaraq sualı cavablandırıb.
“İndi əsas problem təhlükəsizlikdir. Bəs bizim strateji baxışımız nədir? Ölkəmizin təhlükəsizliyini necə təmin etmək olar? Bu yaxınlarda parlamentimizdə çıxış etdim və dedim ki, təhlükəsizliyin təmin edilməsində ən mühüm alətin legitim xarici siyasət olduğuna inanıram” – deyən Paşinyan Ermənistanın 1991-ci il Alma-Ata Bəyannaməsi ilə bağlı niyə tez-tez danışdığını ətraflı şəkildə izah etdi.
Baş nazir Alma-Ata Bəyannaməsinin nədən ibarət olduğunu iştirakçılarla bölüşdü.
“O, 12 sovet respublikası tərəfindən qəbul edilib ki, bu da iki çox mühüm ideyadan xəbər verir:
Birincisi, Sovet İttifaqının mövcudluğu dayandırılır və sovet respublikaları müstəqil ölkələrə çevrildikcə sovet respublikaları arasındakı inzibati sərhədlər dövlət sərhədlərinə çevrilir.
Oktyabrın 6-da bizim Praqada Fransa Prezidentinin, Avropa Birliyi Şurası sədrinin, Azərbaycan Prezidentinin və mənim iştirakımla dördtərəfli görüşümüz oldu və orada iki çox mühüm razılaşma əldə olundu:
Birincisi, Ermənistan və Azərbaycan bir-birinin ərazi bütövlüyünü və Alma-Ata Bəyannaməsinə əsaslanan başqasının ərazi bütövlüyü və suverenliyini tanıyır.
Biz həm də razılaşdıq ki, Alma-Ata Bəyannaməsi iki ölkə arasında sərhədin demarkasiyası prosesi üçün əsas olmalıdır” – deyə Nikol Paşinyan Ermənistanla Ermənistan arasında yeni sərhədlərin çəkilməsi və ya yaradılmasının vacib olmadığını vurğulayıb.
Bu proses davam edir və ümid edirik ki, bu məsələdə qətiyyətli olacağıq” – deyə Baş nazir bildirib.
