Mən ER-də baş verən hadisələri demokratiyanın yayılması baxımından qiymətləndirmək istəyirəm. İyulun 1-də “Demokratiya uğrunda Ermənistan forumu”nda ABŞ-ın Ermənistandakı səfiri Kristina Kvinn bildirib ki, bu məsələdə vətəndaş cəmiyyətinin çox mühüm rolu var.
“Vətəndaş cəmiyyəti qrupları qanunun aliliyinin hamıya şamil olmasını təmin ediblər. Bu baxımdan, dezinformasiyaya qalib gəlmək çox vacibdir”, – deyə o bildirib.
Səfir qeyd edib ki, Ermənistan çağırışlarla, o cümlədən sərhəd hadisələri, Dağlıq Qarabağdan qaçqın axını ilə üzləşsə də, demokratik gələcəyə sadiq qalıb.
“Sizin demokratik gələcəyə sadiqliyiniz bütün dünyaya nümunədir ki, demokratik şəkildə işləmək mümkündür və onlar bir-birinə zidd deyil. ABŞ bütün bunları enerji, ticarət və digər sahələrdə də dəstəkləməkdən qürur duyur”.
Kristina Kvinn qeyd edib ki, yaxın illərdə onlar ER-ABŞ strateji dialoqunu yeniləmək niyyətindədirlər.
“Daha səmərəli əməkdaşlığı təmin etmək üçün bu, strateji tərəfdaşlığa çevriləcək. Ümid edirəm ki, bu əməkdaşlıq Ermənistanın suverenliyini möhkəmləndirəcək. Demokratiyanın möhkəmləndirilməsi, insan hüquqlarının təmin edilməsi istiqamətində görülən işlərlə fəxr edirəm. Buna görə də ABŞ Ermənistanı korrupsiyaya qarşı mübarizədə, polis islahatlarının həyata keçirilməsində və ədalətli seçkilərin keçirilməsində dəstəkləyir. Biz həm də media azadlığının təmin edilməsi istiqamətində çalışırıq ki, söz azadlığı hüquqları qorunsun”, – deyə o bildirib.
