Demokratiya Forumu Ermənistanda demokratiyanın tərəqqisini və demokratik islahatları müzakirə etmək və Ermənistanda demokratik islahatlar və demokratiyanın inkişafı üçün mövcud olan problemləri müzakirə etmək üçün yaxşı fürsətdir. Bunu ER baş naziri Nikol Paşinyan sözügedən forumunda bildirib.
“7 il əvvəl yaşadığımız demokratiya gündəminə nə baş verdiyini qeyd etməliyik. Qeyd etməliyəm ki, ER-də demokratiya baxımından baş verən dəyişikliklər az deyil. Məsələn, “seçkilərin saxtalaşdırılması”, “seçkilərin nəticələrinin saxtalaşdırılması” ifadələri artıq ER-də tarixi janra çəvirilib. Bu çox vacibdir. Yol on illər bərbad vəziyyətdə olanda, birdən-birə təmir olunanda bu, yalnız bir həftə insanlar üçün yenilikdir, ondan sonra bu, gündəlik işdir, bununla heç kimi təəccübləndirməzsən, sevindirməzsən. İndi insanların xoşbəxt olması üçün yeni dəyişikliklərə ehtiyac var”.
Paşinyan sərbəst toplaşmaq azadlığından da danışıb və qeyd edib:
“7-8 il əvvəl biz sərbəst toplaşmaq azadlığı və ya müəyyən yerlərə girişin məhdudlaşdırılması ilə bağlı problemləri müzakirə edirdik. İndi ER-da bunu unudublar, amma bir çox insan xatırlayır ki, açıq havada da mitinq keçirmək o qədər də asan deyildi, hətta qeyri-mümkün idi. Onu da deyim ki, bəzən siyasi tədbirlərin keçirilməsi üçün zal icarəyə götürmək mümkün olmurdu. Yaxud söz və mətbuat azadlığına qarşı repressiyalar olub. Düşünürəm ki, bu, Ermənistanda artıq keçmişdə olan bir mövzudur”.
