“Artsiv partnyor-2024” erməni-amerikan birgə təlimləri başlayıb
Ermənistan Silahlı qüvvələrinin Sülhməramlı briqadası, ABŞ-ın Avropa və Afrikadakı Quru Qoşunları və Kanzas Milli Qvardiyasının hərbçilərinin iştirak etdiyi “Artsiv partnyor-2024” adlı erməni-amerikan birgə təlimi başlayıb.
Tərəflər hələlik təlimlərdə iştirak edəcək hərbçilərin sayını rəsmən açıqlamayıblar.
ABŞ Ordusunun Avropa və Afrika komandanlığının məlumatına görə, 10 günlük sülhməramlı təlimlər atıcılıq, sabitlik, silahlarla tanışlıq və ərazinin idarə edilməsi kurslarını əhatə edəcək.
Amerika tərəfinin fikrincə, onlar iki ölkəyə bir-birinin texnologiyaları ilə tanış olmağa kömək edəcəklər.
Ermənistan Hərbi Departamenti öz növbəsində qeyd edir ki, təlim sülhməramlı missiyalar zamanı münaqişə tərəfləri arasında sabitləşdirmə əməliyyatlarını, idarəetmə və taktiki rabitə sahəsində qabaqcıl təcrübələrin mübadiləsini, eləcə də erməni bölmələrinin hazırlığının artırılmasını nəzərdə tutur.
İyunun 15-də Müdafiə nazirliyi başlayan hərbi təlimlərlə bağlı qısa məlumat yayıb və yalnız bildirib ki, hərbi təlimlərin açılış mərasimi müdafiə naziri Suren Papikyan və ABŞ səfiri Kristina Kuinnin iştirak etdiyi Vazgen Sarkisyan adına Hərbi Akademiyada keçirilib. Onlar tədbirdə iştirak edən hərbi qulluqçuları salamlayıblar.
