Ermənistan Milli Olimpiya Komitəsinin prezidenti Gagik Tsarukyan BOK prezidenti Tomas Baxa və Beynəlxalq Olimpiya Hərəkatının həmkarlarına müraciət edərək, onları Bakı həbsxanalarında saxlanılan ermənilərin azad edilməsi üçün səy göstərməyə çağırıb.
“Paris – 2024 Olimpiya Oyunları dünya üçün problemli və gərgin bir dövrdə, müharibə toqquşmalarının və qan tökülməsinin ağır mərhələsində keçirilir. Biz – beynəlxalq olimpiya hərəkatının nümayəndələri idman vəzifələrindən əlavə, dünyada gərginliyin aradan qaldırılmasına, sülhün bərqərar olmasına töhfə vermək kimi ən mühüm missiyamız var. Bu borcumuzu hər dəfə dərk etməyimiz bir çox gərgin məqamlarda ən azı müvəqqəti atəşkəs əldə etməyə kömək edir, uzunmüddətli sülh proseslərinin əsasını qoyur və minlərlə insanın həyatını xilas edir.
Mənim ölkəm Ermənistan son illər qanlı və ədalətsiz, ağır müharibələrdən keçib. Bu gün hərbi əməliyyatların və danışıqların dayandırıldığı dövrdə Ermənistan Respublikasının bir çox vətəndaşları, dövlət və ictimai xadimləri hələ də Azərbaycanda əsir, faktiki olaraq girovluqda yaşayırlar.
Ermənistan Milli Olimpiya Komitəsinin prezidenti kimi mən beynəlxalq həmkarlarıma və Beynəlxalq Olimpiya Hərəkatının bütün tərəfdarlarına öz çağırışımı və nəsihətimi ünvanlayıram. Sizi Paris Olimpiadası zamanı öz sülhsevər diplomatik kanallarınızdan və səlahiyyətinizdən davamlı və birmənalı sülhyaratma jesti kimi Bakı həbsxanalarından özbaşına həbs edilmiş ER vətəndaşlarını azad etməyə və bununla da regionumuzda sülhün bərqərar olacağına inamı dərinləşdirməyə çağırıram.
Olimpiya hərəkatı idman vasitəsilə sülh və bəşəriyyətin nəcib ideallarını təcəssüm etdirir. Bu, ədalətin və birgəyaşayışın qlobal hərəkatıdır və bu addımla biz hərəkatımızın ümumi qələbəsini əvvəlki bir neçə onlarla Olimpiya Oyunları zamanı xilas edilmiş həyat və talelərin qiymətli xəzinəsinə əlavə edə bilərik.
Ümumi gələcəyimizə böyük ümid və inamla,
Gagik Tsarukyan
NAOC prezidenti”, – deyə o bildirib.
