Azərbaycan hakimiyyəti itkin düşən erməni hərbçilərinin taleyinin müəyyənləşdirilməsində fəaliyyətsizlik nümayiş etdirir. Bu barədə Vanadzorda ER Xarici İşlər Nazirliyinin Humanitar Məsələlər Departamentinin rəhbəri Hayk Sargsyan Beynəlxalq İtkin Şəxslər Gününə həsr olunmuş fotosərginin açılışında bildirib.
“Təəssüf ki, Ermənistan cəmiyyəti də bu problemdən əziyyət çəkir. Azərbaycanın 2020-ci və 2023-cü illərdə Dağlıq Qarabağa təcavüzü nəticəsində ötən əsrin 90-cı illərində yüzlərlə itkin düşmüş və məcburi itkin düşmüş şəxslərin sırasına yeniləri də əlavə olunub. Üstəlik, sənədli və video sübutlar mövcud olsa da, Azərbaycan hakimiyyəti erməni əsgərlərinin taleyinin müəyyənləşdirilməsində fəaliyyətsizlik nümayiş etdirir.
Bu kontekstdə Ermənistan problemi beynəlxalq strukturlara və məhkəmələrə təqdim etmək üçün, o cümlədən müəyyən şəraitdə zorla yoxa çıxmaların beynəlxalq hüquqa görə insanlığa qarşı cinayət sayıla biləcəyini nəzərə alaraq bütün mümkün addımları atır”, – Hayk Sargsyan vurğulayıb.
Onun sözlərinə görə, zorla yoxa çıxma ilə mübarizə, o cümlədən bu cür cinayətlərin qarşısının alınması və cəzasız qalması çərçivəsində Ermənistan “Bütün məcburi itkinlərin müdafiəsi haqqında” beynəlxalq konvensiyanı imzalayıb və ratifikasiya edib.
“Eyni zamanda, bu gün biz təkcə xatırlaya və yas tuta bilmirik. Tələbkar olmaq və hesabatlılığa çağıran, həqiqət və ədalət tələb edən səs olmaq öhdəliyimiz var. Beynəlxalq tərəfdaşlarımızla birlikdə itkin düşənlərin taleyinin müəyyənləşdirilməsi istiqamətində addımlar atmağa davam edirik. Erməni tərəfi heç vaxt humanitar əməkdaşlığı siyasiləşdirməyib və bu cür əməkdaşlığı etimad və sülhə nail olmaq vasitəsi kimi dəyərləndirərək, hər zaman bütün maraqlı tərəflərlə işləməyə açıq olub. Sizi əmin etmək istəyirəm ki, bütün itkin düşmüş şəxslərin taleyi aydınlaşana qədər, bütün ailələr ən aktual sualına cavab almayana qədər iş dayanmayacaq”, – deyə Sarkgsyan yekunlaşdırıb.
