Ermənistan Respublikasının Yüksək Texnologiyalar Sənayesi nazirliyi Hərbi sənaye komitəsinə yeni əsas funksiyalar təqdim etməyi təklif edir.
Bu barədə oktyabrın 1-də parlament iclasında “Hərbi sənaye kompleksi haqqında” qanuna dəyişikliklər və əlavələr edilməsi ilə bağlı qanun layihəsinin müzakirəsi zamanı nazirliyin rəhbəri Mxitar Hayrapetyan bildirib.
Onun sözlərinə görə, bu, ölkənin hərbi sənayesinin inkişafına kömək edəcək. “Xüsusən də komitə üçün qanunvericilik-hüquq sahəsi yaradılır.
Bu, yeni qanun qəbul edildikdən sonra müvafiq qaydanın işlənib hazırlanmasına kömək edəcək. Bu qanun çərçivəsində elmi-tədqiqat və təcrübi-konstruktor işlərinin tərifi, onların tərtibatı və həyata keçirilməsi, hesabatlılıq və maliyyələşmə daha da tənzimlənəcək,” – deyə Hayrapetyan qeyd edib.
Bu məqsədlər üçün 4,2 milyard dram ayrılması planlaşdırılır.
Nazirin sözlərinə görə, bu işlərin əsasında hərbi sənayeni təşkil edərkən innovasiyalar və müasir texnologiyaların təşviqi durur. “Hazırda bu işlər həyata keçirilir. Buna baxmayaraq, indiyədək dövlət və özəl sektor arasında bir sıra hüquqi münasibətlər tənzimlənməyib. Ümid edirik ki, müvafiq alətləri artıq qanunvericilik dəyişiklikləri qəbul edildikdən sonra əldə edəcəyik.
Bu, müvafiq mexanizmlərin hazırlanmasını təmin edəcəkdir” – deyə Mxitar Hayrapetyan vurğulayıb.
O, həmçinin bildirib ki, son bir neçə ildə milli istehsalçılardan Müdafiə Nazirliyinin ehtiyacları üçün dövlət sifarişi 100 dəfə artaraq üçillik müqavilələrlə 171 milyard drama çatıb. Və bu artım tendensiyası ilin sonuna qədər davam edəcəkdir.
