Rusiya Prezidenti Vladimir Putinin BRİKS-i anti-Qərb koalisiyasına çevirmək ideyası, hansı ki, “qlobal nizamı” və dolların hegemonluğunu sarsıda bilərdi, blokun əsas üzv ölkələrində coşğu ilə qarşılanmayıb.
Hindistan BRİKS-in Rusiya və Çinin dominant olduğu “anti-Amerika” təşkilatına çevrilməsinə imkan vermək istəmir. Bu haqda məsələ ilə tanış hind rəsmi şəxsləri Bloomberg-ə bildiriblər.
Məhz buna görə də agentliyin müsahibələrinin bildirdiyinə görə, Yeni Dehli ötən il 6 yeni ölkənin qatıldığı BRİKS-in daha da genişlənməsinə qarşı çıxır.
Onlarla başqa ölkə, o cümlədən Myanma və ya Əfqanıstan kimi dünya miqyasında təcrid olunmuş dövlətlər təşkilata üzvlük üçün müraciət ediblər.
Hindistanın mövqeyini Braziliya və Cənubi Afrika da bölüşür, bu ölkələrin rəsmiləri Bloomberg-ə bildiriblər. 2023-cü il sammitindən sonra BRİKS-ə qoşulan Birləşmiş Ərəb Əmirlikləri təşkilata üzv olmasının qlobal cənubun Qərbə qarşı duruşunun bir əlaməti olduğunu “tamamilə təkzib edir”- deyərək BƏƏ-dən bir mənbə Bloomberg-ə bildirib.
BƏƏ-nin, o cümlədən ABŞ olmaqla, Qərb ölkələri ilə çox yaxşı münasibətləri var”-deyə başqa bir BƏƏ rəsmisi vurğulayıb.
Kremldən bildirilib ki, oktyabrın 22-də Kazanda başlayan BRİKS sammitində, hansı ki, Kreml tərəfindən Rusiyada keçirilmiş “ən vacib xarici siyasət tədbiri” adlandırılır, Putin tərəfdaşlarına Qərbin beynəlxalq ödənişlərinə alternativ sistem təklif etməyi planlaşdırır.
Kremldəki mənbəyə görə, bu sistem təşkilatın üzv ölkələrinin banklarını və mərkəzi banklarını birləşdirməli və ABŞ-ın sanksiya siyasəti səbəbindən etibarı itirən dollardan yan keçərək əməliyyatlar həyata keçirməlidir.
Mətn factor.am-ə məxsusdur.
