2024-cü ilin yanvar-sentyabr aylarında Ermənistandan ixrac 2,1 dəfə, idxal isə 2,5 faiz artıb. Bunu oktyabrın 28-də Parlamentdə 2025-ci il dövlət büdcəsi layihəsinin müzakirəsi zamanı parlamentin daimi komitələrinin birgə iclasında ER-nin maliyyə naziri Vahe Hovhannisyan bildirib.
Lakin nazirin qeyd etdiyi kimi, bəzi nüanslar var. Belə ki, yanvar-sentyabr aylarında ixracda əhəmiyyətli artım qeydə alınıb, lakin qızıl istisna olmaqla, Ermənistan mənşəli malların ixracı təxminən 1,4% artıb. “Yüksək artım əsasən qızılın ixracı ilə bağlıdır”, – Hovhannisyan etiraf edib.
Təkrar ixrac olmadan isə idxal təxminən 5,2% azalıb. “Biz görürük ki, təkrar ixrac faktorunun təsiri getdikcə azalır. Ötən ilin ikinci yarısında və bu ilin birinci yarısında qızılın təkrar ixracında əhəmiyyətli artım müşahidə etdik. Bu amilin təsirinin getdikcə azaldığını da görürük. Düşünürük ki, yuxarıda qeyd olunan amilin təsiri gələn il də azalmağa davam edəcək”, – deyə nazir bildirib.
