ABŞ prezidentinin milli təhlükəsizlik müşaviri Mayk Uolts özünün X mikrobloqunda qeyd edib ki, İlham Əliyevin milli təhlükəsizlik məsələləri üzrə müşaviri Hikmət Hacıyevlə danışıb.
“Bu həftə Azərbaycan prezidenti İlham Əliyevin milli təhlükəsizlik məsələləri üzrə müşaviri cənab Hikmət Hacıyevlə danışdım. Azərbaycan və Ermənistanın böyük bir addım ataraq sülh sazişi üzərində razılığa gəlməsindən məmnunuq. Ona bildirdim ki, biz bu sülh müqaviləsini indi yekunlaşdırmalı, məhbusları azad etməli və regionu daha təhlükəsiz, firavan etmək üçün birlikdə çalışmalıyıq” – Uolts qeyd edib.
