Təbrizə qarşı hücumların intensivliyi ölkə müstəqillik əldə etdikdən sonra yaradılmış Azərbaycan casus şəbəkəsinin muzdlu fəaliyyəti ilə birbaşa bağlıdır. Bu barədə iranlı politoloq Əhməd Kazemi yazıb.
“Bu etnik azərbaycanlı casus şəbəkəsi sionist rejimin keçmiş milli infrastruktur naziri Ozi Landau tərəfindən “İsrailin strateji sərvəti” kimi qiymətləndirilib.
2014-cü ildə Naxçıvandan İrana sızan pilotsuz təyyarə Natanz yaxınlığında vurulan zaman Azərbaycan prezidenti İlham Əliyev İran nümayəndə heyətinin şəxsi xəbərdarlığına cavab olaraq müdafiə nazirinin iştirakı ilə bəyan edib ki, hücum Bakı hökumətinin icazəsi olmadan onların qonaqları (israillilər) tərəfindən həyata keçirilib.
Əliyevin adı çəkilən qonaqlar İkinci Qarabağ müharibəsi zamanı və ondan sonra Azərbaycanın suverenliyinin böyük hissəsini praktiki olaraq ələ keçiriblər və İran əleyhinə istənilən fəaliyyətdə sərbəst şəkildə iştirak edirlər.
Bakı Təl-Əvivi əmin edib ki, sionist rejim ilə İran arasında uzunmüddətli müharibə olacağı təqdirdə, Bakı-Ceyhan kəməri ilə sionist rejimə neft tədarükünü təmin edəcək. Bundan başqa, Bakı çoxlu azərbaycanlını işğal altındakı Fələstinə göndərərək, onların beyinlərini yuyaraq İsrail ordusunda muzdlu əsgər kimi xidmət etməsini təmin edib.
Şiələr, azərbaycanlılar və etnik azlıqlar da daxil olmaqla, on milyona yaxın vətəndaşı girov saxlayan Əliyev hökuməti sionizmin regional qalasına çevrilib.
Bu sionist rejimin keçmiş xarici işlər naziri Libermanın dediyi kimi, “İran üçün Livan necədirsə, Azərbaycan da İsrail üçün odur və Azərbaycanla əlaqələri genişləndirməklə, onun sərhədlərində ən böyük düşmənimizin təhdidlərinin qarşısını ala bilərik”.
Bu gün bu həqiqətdir və Təbrizdə, Ərdəbildə, Urmiyada da daxil olmaqla sevimli iranlıların qanına boyanmış Bakının əlləri qırmızı xəttdir. Buna qarşı sükut və hərəkətsizlik nə bu gün, nə də gələcək nəsillər üçün bağışlanmazdır.
Bakı, Ankara və Təl-Əviv İranın ərazi bütövlüyünə zidd hərəkət edir. Eyni Türkiyə hal-hazırda İranın raketlərini, xüsusən də İncirlik və Korecek bazaları vasitəsilə ələ keçirməklə məşğuldur. O Kiprdə də mövcuddur, orada Britaniya bazasında sionist F-35 qırıcıları var”.
