Ermənistan XİN mətbuat katibi: “Ermənistan və Çin strategik səviyyədə ikitərəfli münasibətləri inkişaf etdirmək üçün siyasi iradəyə malikdirlər”
Ermənistan Respublikasının Xarici işlər naziri Ararat Mirzoyan və Çin Xalq Respublikasının Xarici işlər naziri Van Yi arasında keçirilən görüşdə erməni-çin münasibətlərinin strategik xarakteri və inkişaf perspektivləri vurğulanıb.
Jurnalistə müsahibəsində Ermənistan XİN mətbuat katibi Ani Badalyan iyunun 26-da Ermənistan və Çin Xarici işlər nazirlərinin görüşündə müzakirə olunan mövzular haqqında məlumat verib.
“Diqqətəlayiqdir ki, hər iki tərəf münasibətlərin strategik xarakterini və onların inkişaf perspektivlərini xüsusi vurğulayıb.
Son illərdə iqtisadiyyat, ticarət və digər əsas sahələrdə əhəmiyyətli nailiyyətlər qazanılıb.
Münasibətlərin mövcud məzmunu və dinamik inkişafı onları yeni səviyyəyə qaldırmaq imkanı verir və biz məmnunluqla qeyd edə bilərik ki, bu istiqamətdə siyasi iradə mövcuddur və hər iki tərəfdən işlər görülür” – deyə Ani Badalyan qeyd edib.
Ermənistan XİN mətbuat katibinin sözlərinə görə, Ermənistan və Çin arasında siyasi dialoq, o cümlədən bu səfər zamanı keçirilən müzakirələr, yalnız ikitərəfli gündəmlə məhdudlaşmır:
İyunun 25-27-də ER xarici işlər naziri Ararat Mirzoyan Çin Kommunist Partiyası Mərkəzi Komitəsinin Siyasi Bürosunun üzvü, Xarici işlər naziri Vanq Yinin dəvəti ilə Çində rəsmi səfərdə olub.
