Birinci Kanalın məlumatına görə, “Uşaq Avroviziya 2025” mahnı müsabiqəsinin Ermənistan nümayəndə heyəti Gürcüstanın paytaxtı Tbilisidədir.
12 yaşlı Albert Armenakyan Ermənistanı 2025-ci il Uşaq Avroviziya mahnı müsabiqəsində “Cəsur ürək” mahnısı ilə təmsil edəcək.
Mahnının musiqisinin müəllifi Lilit Navasardyan, sözlərinin müəllifi Anita Haxverdyan, cizgi filminin konsepsiyası və ssenarisinin müəllifi Davit Tserunyan, personaj rəssamı Sirarpi Çibuxçyan, animasiya müəllifləri Arman Berberyan və Vilen Qayfecyan, filmdə çəkilmiş səhnələrin operatoru isə Suren Tadevosyandır.
Albertin “Cəsur ürək” mahnısı artıq 1 milyon baxış sayını keçərək, “Uşaq Avroviziya 2025” mahnı müsabiqəsinin ən çox izlənilən videosu olub. Video təxminən bir ay əvvəl “Uşaq Avroviziya 2025” müsabiqəsinin rəsmi YouTube kanalında yerləşdirilib.
23-cü Avroviziya uşaq mahnı müsabiqəsi dekabrda 13-də Tbilisidə keçiriləcək. İspaniyanın Madrid şəhərində keçirilmiş 2024-cü il Avroviziya Uşaq mahnı müsabiqəsinin qalibi Gürcüstan təmsilçisi Andria Putkaradze olub.
